Albspirit

Media/News/Publishing

Ergina Ramadani prin me votat e lexuesve për “Mis Zvicra Lindore”

“Gëzohem kur i bëj të buzëqeshin të sëmurët me kancer”, thotë Ergina Ramadani, kandidate për Miss Zvicra Lindore

Vajza 19 vjeçe nga Glarusi, me prejardhje kosovare, Ergina Ramadani është kualifikuar, në mesin e 9 vajzave më të bukura për finalen e sivjetme të zgjedhjes së Misit për Zvicrën lindore. Asaj madje i parashihen shanse të mira që të fitojë kurorën në spektaklin që do të mbahet më 21 maj në St. Gallen, shkruan südostschweiz.

Ergina ka dalë e para, gjegjësisht ka marrë më së shumti vota lexuesish në garën virtuale që ka shpallur portali 20minuten.ch.

Nëse do të fitojë, ajo do të jetë e dyta pas Michelle Schmid, që do ta sillte kurorën në kantonin e Glarusit, transmeton albinfo.ch. Schmid kishte fituar titullin e Miss Zvicrës Lindore në vitin 2014.

“Në rast se fitoj, unë do ta shfrytëzoj popullaritetin e fituar për mbështetur të sëmurët. Gëzohem shumë kur i bëj të buzëqeshin të sëmurët nga kanceri”, thotë 19 vjeçarja e cila është duke ndjekur shkollën profesionale për radiologji.

Por, rruga deri atje nuk është aspak e lehtë.

Ata që duan ta ndihmojnë Erginën për të fituar kurorën e më të bukurës, këtë mund ta bëjnë duke dërguar një SMS prej 90 rapësh në numrin 919 me fjalëkalimin mo07.

Albinfo.ch në revistën e saj e cila del javën që vjen, bën një prezantim më të zgjeruar të Erginës dhe kandidates tjetër për Mis Zvicra Lindore, Leunora Hasanaj.

– See more at: http://www.albinfo.ch/ergina-ramadani-prin-me-votat-e-lexuesve-per-mis-zvicra-lindore/#sthash.YWyPjGRO.dpuf

Please follow and like us: