Sekretari amerikan i Shtetit, John Kerry, i kërkoi Pekinit të heqë barrierat e të gjitha natyrave dhe trajtimet e pabarabarta, që pengojnë kompanitë amerikane, të cilat ndihen gjithnjë e më pak të mirëpritura në Kinë.

“Siguri, qartësi, një trajtim të drejtë (…) dhe një aplikim të barabartë të ligjeve për të gjithë janë thelbësore për besimin e tregut”, insistoi Kerry, në kuadër të Dialogut Strategjik dhe Ekonomik vjetor sino-amerikan në Pekin.

Shefi i diplomacisë së SHBA-ve nxiti Kinën që të heqë pengesat në rrugën e kompanive amerikane dhe kujtoi se “shqetësimet mbi respektimin e pronës intelektuale vazhdojnë”.