Albspirit

Media/News/Publishing

Brukseli dhe Boris Johnson – Jo love affair

Kthesë e çuditshme: Britania e Madhe ka si ministër të Jashtëm një figurë që ishte katalizator i shkëputjes së vendit nga BE. Boris Johnson nuk është i preferuar në BE.

Großbritannien Boris Johnson London Poppy Day

Boris-Brexiti bëhet ministër i Jashtëm, pikërisht ai! Këtë psherëtimë mund ta dëgjosh në korridoret e Këshillit të BE-së, edhe pse nuk ka asnjë prononcim zyrtar. Në këshill mblidhen çdo katër javë ministrat e Jashtëm, një instancë që vendos për politikën e jashtme të BE-së, për ligje të rëndësishme, dhe tema që trajtohen nga krerët e shteteve dhe qeverive. Tani në këtë post qëndron për Britaninë e Madhe një mendjelehtë, një mashtrues që në BE e mendonin si figurë të djegur.

Lëvizje taktike e Theresa May

Boris Johnson vetëm para pak ditësh tha se nuk është i përshtatshmi për ta jetësuar vendimin për Brexitit. Tani ministër i Jashtëm! Një lëvizje taktike e kryeministres së re për të qetësuar përkrahësit konservatorë për daljen nga BE. Ajo ia jep atij detyrën për ta kontrolluar më mirë.

Në BE po hiqen takëmet e holla të porcelanit, që kur të hyjë një elefant si Johnsoni të mos prishë shumë gjëra. Fillimisht vetëinskenuesi Johnson nuk do të ketë shumë të bëjë me negociatat e Brexit. Por për kohën më pas, për marrëdhëniet BE-Britani e Madhe ai do të ishte përgjegjës. Sa kohë ky vend të jetë ende anëtar, politikani i qejfit, Johnson ka të të drejtën e votës në Këshill. Ai mund të bllokojë ingranazhet e makinerisë politike të urryer të Brukselit. Disa korrespondentë me përvojë në Bruksel dhe nëpunës e kujtojnë të riun Boris Johnson, që punonte për “Daily Telepgraph”, se si i kombinonte historitë gjysmë të vërteta. Një thërrime të vërtete kishte gjithmonë brenda tyre, por vetë Johnson vite më vonë mburrej me përrallat e fryra nga Brukseli, me të cilat kishte arritur të krijonte vërtet atmosferë kundër Europës. Po të shikosh në arkiva e kupton se që atëherë tek Johnson sundonte qëndrimi: BE është i keq dhe Britania e Madhe viktimë.

Seriozitet për politikën?

Me këtë budallallëk të thjeshtë ai udhëhoqi edhe fushatën “Leave”. Pse të mos e ndjekë ai një model të tillë edhe tani si ministër i Jashtëm? Apo nuk i merr ai këto gjëra seriozisht? Mos e shikon ai politikën si lojë, një shou për të nxjerrë veten në krye? Një skenë të tillë do t’ia ofronte politika e jashtme. Ai mund të udhëtojë tani nëpër botë, të rrëfejë barcoletat e tij nëpër pallate e të dalë në kamera me të fuqishmit e kësaj bote. Ndoshta nuk i interesojnë malet me dokumente në sallat e konferencave të BE-së. Nga ndërtesa e këshillit atij mund t’i thërrasin: “Bëj qejf nëpër botë, por na lër të qetë.”

Të hënën e ardhshme e ka shansin e parë: Ai mund të takojë Sekretarin amerikan të Shtetit, John Kerry, që merr pjesë rregulisht në mbledhjet e Këshillit si i ftuar. Johnson do t’i kujtojë John Kerryt, Donald Trumpin jo vetëm me modelin e flokëve bjondë. Johnson, ashtu si kandidati republikan, ka qëndrime të çuditshme, është llafazan, ka një marrëdhënie të çuditshme me faktet dhe një sukses të habitshëm. Për fat të keq!

Please follow and like us: