Gjendja e arsimit shqip në Mal të Zi

Shqiptarët në Mal të Zi janë të pakënaqur me gjendjen e arsimit në gjuhën shqipe dhe kërkojnë nga institucionet shtetërore të vendit respektimin e të drejtës elementare të arsimit në gjuhën amtare. Ata kërkojnë që tekstet dhe programet shkollore të përfaqësojnë vlerat dhe kulturën kombëtare të nxënësve, si dhe përmirësimin e infrastrukturës në shumë objekte shkollore të shqiptarëve në Mal të Zi. Në këtë kuadër, Ministri i Arsimit, Shkencës dhe Tekologjisë së Kosovës, Arsim Bajrami ishte këto ditë për një vizitë në Mal të Zi.