ALKETA VEJSIU DHE VERA GRABOCKA, TAKIM ME JAMES BOND

Kush nuk do të dëshironte që të takonte të paktën njëherë në jetë një nga meshkujt më sharmantë të kinematografisë botërore? Po flasim për James Bond, personazhin e suksesshëm që ka mbetur për më shumë se 56 vite ikona e mashkullit të adhuruar në masë. Megjithatë, dy shqiptare kanë arritur ta takojnë, madje të realizojnë edhe foto dashamirëse. Alketa Vejsiu dhe Vera Grabocka kanë publikuar së fundi foto ku shihen përkrah aktorit të mirënjohur hollivudian, Pierce Brosnan, i cili ka interpretuar James Bond që nga viti 1994 deri në 2005, pra 4 seri të filmit të suksesshëm. “Kënaqësi që e pamë Pierce Brosnan”, ka shkruar regjisorja e njohur në këtë foto, ku shihet edhe Alketa. Ndërkohë, kjo e fundit ka publikuar një tjetër foto me aktorin irlandez, të shoqëruar me dixhiturën, “Duket si një skenë filmi. Pierce Brosnan!”.