Albspirit

Media/News/Publishing

Valbona Duka: Xhafa më ka torturuar, jam e gatshme te dëmshoj kundër tij

Përmes një lidhje telefonike nga Gjermania, Valbona Duka ka denoncuar në emisionin ‘Opinion’ Fatmir Xhafën dhe Kujtim Lulin për dhunë në kohën kur ai ishte hetues në rrethin e Krujës.

Duka tregoi se Fatmir Xhafa ka qenë hetuesi i vëllait të saj dhe në kohën kur iu internua familja, zonjës i vdiq i ati në internim, por pas 3-4 ditësh i erdhën tek puna në Zahari dhe e morën për t’a dërguar në polici.

Ajo tregon se Xhafa dhe Kujtim Luli e futën në zyrë dhe e rrahën fort, ndërsa i thonin se vëllai yt na ka thënë se ti doje të arratiseshe bashkë me të.

Duka theksoi se është e gatshme t’i dalë përballë Xhafës për t’i treguar torturat që ka pësuar nga ai, pasi është ajo që i ka provuar mbi kurriz.

Sipas Valbona Dukës, i vëllai akuzohej se kishte pirë raki bashkë me disa shokë në kohën kur vdiq Enver Hoxha.

Duka bëri me dije se në rast se kërkohet dëshmia e saj, është e gatshme të vijë dhe të dëshmojë rreth torturave që ka pësuar nga Fatmir Xhafaj, ish hetues në Krujë.

Please follow and like us: