Haradinaj: Kërkojmë kufi dhe ushtri si na ka hije

Kryetari i AAK-së dhe i nominuari për kryeministër të Kosovës nga koalicioni PDK-AAK-NISMA, Ramush Haradinaj, sot pasdite zhvilloi një bashkëbisedim me qytetarët në Mitrovicë, ku theksoi se ajo që shohim me veri, është standard i dyfishtë.

“Unë po kërkoj që kontrabandën ta zëvendësojmë me tregtinë e lirë dhe të ligjshme. Për këtë kërkojmë kufi si i ka hije, për këtë kërkojmë ushtri si i ka hije Kosovës, jo vetëm për shqiptarët por edhe për serbët e veriut”, theksoi Haradinaj.

“Kërkojmë kufi dhe ushtri si i ka hije Kosovës. Ne jemi këtu për të qenë partnerë, jemi këtu të punojmë bashkë me fqinjët tanë, jemi këtu jo për t’u bërë lypsarë, por që të jetojmë në standarde dhe vlera të BE-së. Kërkojmë prej tyre që të mos përdorin standarde të dyfishta. Ky vend këtu, kjo që shohim me veri, është standard i dyfishtë. Unë po kërkoj që kontrabandën ta zëvendësojmë me tregtinë e lirë dhe të ligjshme. Për këtë kërkojmë kufi si i ka hije, për këtë kërkojmë ushtri si i ka hije, jo vetëm për shqiptarët por edhe për serbët e veriut. Sepse janë njerëz të këtij vendi dhe janë njerëz në shtëpitë e tyre, në tokën e vet. Dhe ne jemi që ata të ndjehen zot shpije në shtëpitë e veta, në tokën e vet, por jo ta lëmë në pasiguri”, tha Haradinaj./KosovaPress/