Sadik Bejko: Poezi kaq të thjeshta kanë të ndryrë mesazhe të mëdha

 

Ndonjëherë poezi kaq të thjeshta kanë të ndryrë mesazhe të mëdha. Nuk e teproj, ose dhe mundet e teproj pak, por në të njëjtën kohë ngul këmbë që jam shumë serioz në këtë që po ju them më poshtë: Poezi të tilla duhen shkruar në sheshet e qyteteve, në stacionet e autobuzave, në vendqëndrimet e taksive, në limane ku ndërrohen pasagjerët e trageteve, etj kudo ku ka grumbullime publike të atyre që janë në lëvizje.

 

IZET SHEHU: Mos e mallko…

 

Mos e mallko shpresën e tharë,

Mos i mallko ëndrrat e verdha,

Të marrit mos i thuaj i marrë,

Fluturat mos i qorto pse i vërtit era.

Mos u ngazëllo kur shpërthen jargavani,

Kur zhvishen sërish mos u trishto!

Një kumbull e kaltër në hiroglifet e ajrit,

Diç do të thotë, por s’e thënka dot.

Mos e mallko fatin e paracaktuar,

Bindu shkrimit mos u tundo nga mosbindja.