Hasimja & Bojaxhi: Fushata jonë takime me qytetarët, ata duan ta ndryshojnë këtë klasë politikë

Të ftuar në emisionin 7pa5, në Vizion Plus, anëtarë themelues të Sfida për Shqipërinë, Gjergj Bojaxhi dhe Ermal Hasimja, argumentuan pse qytetarët duhet ta votojnë Sfidën. Ata kanë zgjedhur ta bëjnë fushatën drejtpërdrejt me qytetarët. “Kemi gjetur një mënyrë të mirë për të komunikuar e për të dhënë mesazhin përmes takimeve të drejtpërdrejta me qytetarët. Ajo qe ndeshim menjëherë neveritjen e qytetarëve nga establishmenti politik. Ata duan ta ndryshojnë këtë establishment”, tha Bojaxhi. Shihni videon ku dy kandidatët e “Sfida për Shqipërinë” në kryeqytet flasin për çfarë kërkon të arrijë Sfida në këto zgjedhje.