Albspirit

Media/News/Publishing

Banorët e Shkozës te ambasadat: Na ndihmoni

Banorët e Shkozës, shtëpitë e të cilëve do të shemben për shkak të zgjerimit të rrugës dhe rehabilitimit të lumit të Lanës kanë marshuar drejt ambasadës së SHBA dhe delegacionit të BE-së. Përmes një letre ata kërkojnë ndihmë. Banorët shohin si zgjidhje ndërhyrjen e faktorit ndërkombëtar pasi i kanë humbur shpresat tek institucionet e shtetit shqiptar. Banorët nuk janë kundër rehabilitimit të Lanës, por ata kërkojnë njohjen e pronësisë dhe garantimin e dëmshpërblimeve. Në rast se institucionet shtetërore nuk gjejnë zgjidhje, ata paralajmërojnë vijimin e protestave. Prej 3 ditësh banorët e Shkozës protestojnë kundër prishjes së banesave të tyre për shkak zgjerimit të rrugës, në kuadër të një projekti të ARRSH-së dhe Ministrisë së Transporteve. Janë 153 familje që preken nga ky projekt.

Please follow and like us: