Dua Lipa vazhdon suksesin, merr një tjetër çmim prestigjioz

Këngëtarja kosovare me famë botërore, Dua Lipa, është nderuar me një çmim “Ascap Vanguard” për ndikimin e saj në muzikë.

Dua Lipa shijoi sukses të madh dhe u bë sensacion i muzikës pop me këngën “New Rules” të publikuar së fundmi.

“Jam shumë mirënjohëse që fitoj këtë çmim mes artistëve që i admiroj kaq shumë”, ka thënë Dua.

Ceremonia e çmimeve “ASCAP” mbahet çdo vit dhe prezantohet nga Shoqëria amerikane e kompozitorëve, autorëve dhe publikuesve, për hir të “ndikimit në zhanret e reja muzikore dhe zhvillimin e tyre”.