Albspirit

Media/News/Publishing

Padit agjencinë martesore se nuk i gjeti një vajzë ‘të ëmbël, të re dhe të pastër’.

Një pasanik kinez fitoi betejën ligjore me një agjenci martesore, pas dështimit të kësaj të fundit për t’i gjetur “gruan e ëndërrave të tij”. Biznesmeni i njohur vetëm si Mr. Zhang, rreth 40 vjeç pagoi para 5 vitesh 1 milion euro në këmbim të gjetjes së një vajze “të ëmbël, të re dhe të pastër”. Shuma e madhe e parave vendosi menjëherë në lëvizje kompanine që për pesë vite u përpoq t’i gjejë kandidaten e dëshiruar prej tij. Për këtë qëllim, vetë kompania ndërmori një fushatë kërkimi, madje edhe duke publikuar spote në televizione kombëtare, njoftime në revista, gazeta e nëpër rrjetet sociale. Rezultati? Tetë kandidatet që i “përafroheshin” kritereve, u refuzuan nga biznesmeni tekanjoz. I lodhur nga kjo, 2 vjet më parë Mr. Zhang paditi kompaninë për dështim në gjetjen e gruas së ëndrrave. Gjykata në atë kohë i kërkoi kompanisë rikthimin e 200 mijë eurove, ndërsa kompania u zotua se do të vazhdonte kërkimet për gjetjen e partneres së 40-vjeçarit brenda 24 muajve.

Please follow and like us: