Pal Ndrecaj: E keqja në vjersha është për me e ndjekë të keqen në jetë

E keqja në vjersha është për me e ndjekë të keqen në jetë

sic e nxjerrnin gjyshet tona plumbin me plumb

një trëndafil i kuq si metaforë e të mirës më duket teknologji e lehtë

për me e goditë të keqen duhen ca predha që e bajnë shkrumb.

Mbaj mend dy sy që varen ngadalë e shuhen n’ekstazë

mund t’i tremb një përplasje e beftë që ndodh edhe më pahir

imja është t’ua siguroj paqen në ato oaze

që i bjen se e nxorëm plumbin…

pastaj dollia: Gëzuar, tash për të mirë!

Marrë nga “Gdhendja e përmasave”.