Njëra nga femrat më të bukura dhe më seksi në botë, Kate Upton, ka bërë një deklaratë “bombastike”, duke thënë se femrat në përgjithësi fshihen pas grimit dhe nuk e kanë tërësisht natyrale bukurinë e tyre. Ajo thotë se ndryshe qëndrojnë punët me meshkujt, pasi ata kryesisht kanë pamjen natyrale. “Duhet ta pranojmë se ne femrat nuk e kemi tërësisht natyrale pamjen tonë. Ne thjesht fshihemi pas grimit. Pra është grimi ai që na bën të dukemi aq të bukura, sepse përndryshe rezultatet nuk do të ishin kaq të mira.

Ndërsa sa i përket meshkujve, ata kryesisht e kanë pamjen natyrale dhe për këtë duhet çmuar”, ka deklaruar Kate Upton. Por ajo ka shkuar edhe më tutje, duke thënë se shumë femra përveç grimit mbështeten edhe në operimet estetike për të përmirësuar pamjen e tyre dhe kjo sipas saj është një gjë e gabuar.

“Sikur nuk na mjafton vetëm grimi, por ne u drejtohemi edhe kirurgëve estetik, për të korrigjuar ato të meta të cilat mendojmë se na pengojnë. Dhe kjo mendoj se është një gjë e gabuar, pasi duhet të ruajmë pamjen tonë natyrale. Kjo është tepër e rëndësishme”, ka deklaruar bukuroshja, Kate Upton. Ajo shtoi se nuk e ka në plan të bëjë ndonjë ndërhyrje estetike për ta përmirësuar pamjen, sepse është e kënaqur me të.