Zbulohen 9 gjyqtarët që kanë fshehur 40 milionë euro pasuri

Prej marsit 2015 deri më 2 nëntor 2015 janë plot 9 gjyqtar të kallëzuar penalisht për fshehje pasurie e deklarim të rremë, të njoftuara nga vetë ILDKPI në faqen e saj zyrtare.

Por a janë vërtet këta gjyqtarët që kanë miliona euro pasuri, siç raportoi kreu i Inspektoriatit të Pasurive këtë të enjte në Komisionin e Ligjeve?

Report TV sjell emrat e gjyqtarëve të kallëzuar përgjatë 2015 ku zyrtarisht dihet se për Alaudin Malajn janë pushuar hetimet ndërsa për 8 të tjerët nuk ka asnjë informacion zyrtar qoftë nga prokuroria apo vetë ILDKPI.

Më poshtë emrat e gjyqtarëve të kallëzuar nga ILDKPI:

-13 mars 2015, Tomorr Kullolli, për funksionin Gjyqtar, Gjykata e Rrethit Gjyqësor Elbasan

-28 prill 2015, – Besnik Qira, për funksionin Gjyqtar, Gjykata e Rrethit Gjyqësor Kurbin

-08 qershor 2015, Petrit Aliaj, me funksion gjyqtar në Gjykatën e Apelit, Vlorë

Rasim Doda, me funksion gjyqtar në Gjykatën e rrethit gjyqësor, Sarandë

Enkeleda Doda (Kashuri), me funksion gjyqtare në Gjykatën e rrethit gjyqësor, Sarandë

-09 korrik 2015, – Adelina Zarka, për funksionin Gjyqtar, Gjykata e Rrethit Gjyqësor Fier

– Petraq Çuri, për funksionin Gjyqtar, Gjykata e Rrethit Gjyqësor, Durrës

-14 shtator 2015, Alaudin Malaj, me funksion gjyqtar, Kryetar i Gjykatës së Apelit Tiranë

-02 nëntor 2015, Shpëtime Pitaku, me funksion gjyqtare në Gjykatën e Rrethit Gjyqësor Durrës