Eposi i Kreshnikëve u shpall fitues i çmimit special në garën ndërkombëtare rreth trashëgimisë kulturore, Europa Nostra në Hagë të Holandes. Në vete përmban, 15 vëllime me mbi 6 mijë faqe dhe mbi 5 mijë minuta materiale. Me këtë prezantim Kosova ka mahnitur pjesëmarrësit, njëkohësisht është vlerësuar lartë edhe nga ligjëruesi në Universitetin e Harvardit, David Elmer. Eposi i Kreshnikëve për herë të parë vlerësohet në shkallë ndërkombëtare, gjë që besohet se do ta ndihmoj vendin në anëtarësim në UNESCO.