Bizneset overdrafte në banka për pagat, 42% e kredive të reja këtë vit për këtë qëllim

Rreth gjysma e kredive që bankat kanë dhënë për bizneset janë në formën e overdrafteve.

E thënë ndryshe hua që merret me afat të shkurtër shlyerje dhe interes të lartë, por që lëvrohet me shpejtësi dhe që përdoret nga bizneset kryesisht për të paguar shpenzimet e përditshme të aktivitetit, si pagat, kontraktorët, faturat etj.

Sipas të dhënave të Shoqatës së Bankave, në tremujorin e parë të këtij viti, rreth 42% e këtyre kredive të reja ishin overdrafte dhe 40.8% e këtyre overdrafteve të reja janë dhënë në lek. Këto shifra dëshmojnë qartë për krizën e thellë tëe likuidtetit që kanë aktualisht një pjesë e bizneseve që po përpiqen të mbijetojnë në treg.

Shoqata e Bankave evidenton gjithashtu se gjatë tremujorit të parë të këtij viti kreditimi është tkurrur më tej. Në krahasim me një vit më parë, teprica e kredisë rezulton  1.4% më e ulët. Ndërsa kundrejt fundit të vitit 2015  paraqitet me një rritje anemike prej 0.53%.

Ndërkaq edhe cilësia e kredisë paraqitet e përkeqësuar. Të dhënat tregojnë se në fund të masrit, niveli i kredive me probleme arriti në 19.3%, duke shënuar një rritje prej 1.1 për qind kundrejt fundit të 2015-ës. Një tregues që pritet të ndikojë në shtrëngimin e mëtejshëm të kreditimit nga bankat.

ECURIA E KREDITIMIT

Kundrejt T 1 2015                   1.4% rënie

Kundrejt fundit 2015               0.53% rritje