Sopranoja shqiptare fiton çmimin më të madh ndërkombëtar të muzikës lirike

Sopranoja shqiptare me famë botërore, Ermonela Jaho, ka fituar çmimin ndërkombëtar të publikut në ceremoninë “Opera Awards” që u mbaj në teatrin e Londrës të dielën në mbrëmje.

Performanca e saj në skenë para marrjes së çmimit ka përlotur të gjithë publikun.

Në faqen në twitter të Opera Awards 2016 është shkruar: Të gjithë në lot pas performancës së Ermonela Jahos “Mamma usciva da casa”.

Në përfundim të performancës i gjithë publiku është ngritur në këmbë, ndërsa duartrokitjet kanë zgjatur për shumë minuta.

Gjatë spektaklit sopranoja ka kënduar edhe një pjesë nga “Madam Butterfly”.