Srikanth Bolla, 23 vjeç, është administratori i një agjencie që sot vlen rreth 7.5 milionë dollarë. Kjo histori është mjaft prekëse, kur mendon se i riu ka themeluar një kompani të tijën, duke qenë i verbër. Srikanth ka lindur i tillë dhe atë kohë miqtë dhe të afërmit e prindërve të 23-vjeçarit u këshilluan që ata ta braktisnin fëmijën.  Rasti i 23-vjeçarit është pothuajse një histori rekordi dhe ka tërhequr botën e industrisë dhe financave indiane, që kanë vendosur të investojnë në kompaninë e djalit.

Srikanth që i vogël kishte treguar aftësitë e tij në shkollë, por kur arriti në të mesmen, pati vështirësi të madhe për shkak të mungesës së shikimit, por fatmirësisht takon një profesor që pranoi të regjistrojë leksionet në audio, që djali të mos përballej me problemin e mungesës së librave.

Edhe në të lartën ai hasi në vështirësi, pasi nuk u pranua në Universitetin  Politeknikut të Indisë, por kjo gjë u kthye në një çështje për të riun. Ai u pranua nga prestigjiozi ‘MIT’  i Bostonit. Kur u kthye në Indi, vendosi të hapte një kompani ku të punonin njerëz me aftësi të kufizuara.  Rezultatet janë shumë pozitive.