Superviruset do të vrasin një njeri çdo tre sekonda, nëse bota nuk reagon tani.

Kështu thuhet në një raport shumë të rëndësishëm dhe me ndikim, raporton BBC.

Raporti thekson se bota mund të rikthehet në kohërat e errëta të Mesjetës nëse nuk investohen miliarda dollarë që tani.

Në raport thuhet se duhet një revolucion për mënyrën se si përdoren antibiotikët.

Raporti ka marrë reagime të ndryshme, madje disa thonë se nuk është i fortë sa duhet.

Lufta ndaj infeksioneve që po u rezistojnë ilaçeve është një betejë që bota po e humbet me shpejtësi, thuhet në raport.

Sipas raportit, kjo betejë është po kaq e rëndësishme sa lufta ndaj terrorizmit.

Problemi është se bota jo vetëm nuk po krijon antibiotikë të rinj, por po shpërdorojmë edhe ato që kemi.

Që kur nisi hartimi i raportit, më shumë se 1 milionë njerëz kanë humbur jetën nga infeksionet me superbaktere.

Nëse vazhdon ky ritëm, në vitin 2050 do vdesin më shumë se 10 milionë njerëz në vit nga superbakteret.

Kostot financiare për ekonomitë do të shkojnë në 100 trilion dollarë në mesin e shekullit.