Leka Konini, një shqiptar që punonte si shofer kamioni në Detroit të Shteteve të Bashkuara të Amerikës është arrestuar për trafik droge dhe në gusht të këtij viti do të jepet vendimi i Gjykatës për të.

Së bashku me shqiptarin, u arrestuan edhe tre shqiptarë të tjerë, dy motra dhe drejtuesi i trafikut të drogës. Ky i fundit është Rinald Turhani, pronar i një firme kamionësh në Michigan.

Kurse dy motra e arrestuara janë Jonida dhe Denisa Aliçka 28 vje 26 vjeç. Të dyja ishin të përfshira në trafikun e drogës nga Kanadaja në Shqipëri për llogari të Rinald Turhanit.

Hetimet për grupin e shqiptarëve u drejtuan nga FBI. Dy vajzat shqiptare kishin tërhequr vëmendjen e policisë, me jetën luksoze, me makinat e shtrenjta, ndërhyrjet plastike dhe udhëtimet e shumta në Miami.