Artistja krijon bizhuteri me lapsat me ngjyra

E keni menduar ndonjëherë që ta transformoni një kuti me lapsa në një bizhuteri me plot ngjyra?Ndoshta jo: epo duke ndjekur ketë çështje, një artiste e re e Republikës Çeke, arriti që të krijojë linjën e bizhuterive origjinale, ekonomike dhe vërtetë mahnitëse.

Protagonistja e kësaj historie është dizenjuesja Anna Čurlejová, që me shumë durim, saktësi,  dhe krijueshmëri realizon vepra të vogla arti, të gjitha për tu përdorur.Çdo copë lapsi më ngjyrë, e prerë në forma të ndryshme, është bashkuar me një llak transparent, që i bën sipërfaqet të lëmuara dhe me shkëlqim.Ajo ka mundur që të krijojë vëthë, unaza, spila dhe varëse me ngjyra dhe motive të ndryshme.Ajo i ka nxjerrë në treg dhe emri i markës është “Čarbičková”.Mund të jetë një ide e shkëlqyer për të ricikluar copat e mbetura të lapsave me ngjyra, të cilët mund të kenë mbetur në fund të sirtarit tonë.