Një artiste nga Ukraina ka përdorur mbi  5 mijë  fishekë  për të krijuar portretin e presidentit Rus, Vladimir Putin.Ajo ka vendosur që ta titullojë veprën e saj, ‘Fytyra e Luftës”.  Vepra e Daria Marchenkos është një përshkrim real i Putinit, me një kostum të errët dhe kravatë të kuqe.Ajo është më shumë se dy metra e gjatë dhe dominon studion e artistes. “Të flija në të njëjtën dhomë me të, ka qenë pak e frikshme në fillim, por tani jam mësuar”, ka thënë ironikisht Marchenko.Fishekët, kryesisht nga armët Kallashnikov, janë mbledhur nga vullnetarë pranë aeroportit të Donjeckut, në lindje të Ukrainës dhe fushëbeteja të tjera në Donbas.