Gruaja e stërmadhe lakuriq i tregohet botës

“Zonja e Veriut” është krijuar duke shfrytëzuar relievin natyror të Britanisë

Një skulpturë e stërmadhe që paraqet një grua lakuriq përfundoi së ndërtuari në veri të Britanisë, pas shtatë vjetësh pune për planifikim dhe dy vjet pune për ndërtimin fizik. Ajo është skulptura më e madhe e një trupi femre në botë, thonë krijuesit.

Balli i saj gjendet në një kodër 34 metra të lartë, ndërsa i gjithë trupi i saj është 400 metra i gjatë. Skulptura është praktikisht një grua e shtrirë në kurriz. Ajo është krijuar duke përdorur mbi 1.5 milionë tonë shkëmb, dhe gur dekorativ, pa përmendur hekurin e përdorur për lidhje.

Gjatë një vizite te vendi i krijimit, ideuesi i veprës, Charles Jencks, thotë se në fakt përmasat janë shumë më të mëdha nga sa i kishte imagjinuar në fillim.

Skulptura zë një sipërfaqe të madhe sa një park publik dhe është e lartë sa një pallat 8-katësh. Ato mund të dallohet edhe nga avionët që ulen në qytetin e Njukastëllit. Në bazë gjenden themelet prej shkëmbi e më pas gjenden përforcuesit me hekur, si dhe dheu i mbuluar me bar me rrënjë të thella i konceptuar për t’u mbijetuar ecjeve mbi skulpturë. Disa nga tiparet janë vënë në dukje duke përdorur gur dekorativ. Parku pritet të hapet për publikun javën tjetër. Skulptura ka kushtuar rreth 3 milionë sterlina, dhe është financuar nga një kompani minierash, e cila e përdori veprën si një mënyrë ideale për të restauruar natyrën që pati shkatërruar gjatë shfrytëzimit të minierës. Skulptura pritet të kthehet edhe në një vend tërheqës për turistët.