Hapen restorante vetëm për beqarë, çiftet nuk lejohen

Shpesh, për ata që jetojnë në një qytet të ri, për punë apo për studime, apo nuk njeh akoma njeri ose ndoshta ka dëshirë të qëndrojë i vetëm në qetësi, të dalësh për të ngrënë jashtë, mund të jetë një përvojë disi e sikletshme.

Nga kjo dëshirë, dy agjenci dizajni në Amsterdam, kanë vendosur të krijojnë restorantin “pop-up”, pra vetëm për pak kohë për persona beqarë. Çiftet nuk lejohen. Lokali quhet “Eenmaal” dhe ideja ka rezultuar shumë e suksesshme, aq sa shpejt do të hapen lokale të tjerë në disa qytete të ndryshme të Europës, siç ka ndodhur në janar në Londër.

Marina Van Goor, pronarja e restorantit për beqarë, mendon të zgjerojë aktivitetin e saj të biznesit siç ka bërë në kryeqytetin anglez.