Kryeministri i Izraelit, Benjamin Netaynahu, deklaroi të hënën në mbrëmje se tashmë janë shumë pranë marrëveshjes në bisedimet për normalizimin e marrëdhënieve me Turqinë.

Sipas një artikulli të sotëm të gazetës izraelite, “Haaretz”, Netanyahu ka pritur dje në Jerusalem një delegacion nga Kongresi i Shteteve të Bashkuara të Amerikës dhe ka ngritur në rend të ditës bisedimet, që vijojnë me Turqinë për rikthimin e normalitetit në marrëdhëniet mes dy shteteve.

Në detaje të lajmit sqarohet se kreu i Tel-Avivit zyrtar, edhe pse nuk pret që marrëdhëniet me Ankaranë të kthehen në nivelin e 10 viteve më parë, ka theksuar se normalizimi do të garantojë një kontribut të rëndësishëm në zhvillimin e shumë interesave rajonale të përbashkëta turko-izraelite.

Bazuar tek një zyrtar i lartë izraelit nën mbrojtjen e anonimatit, ditorja “Haaretz” bën të ditur se një delegacion nga Turqia dhe një nga Izraeli do të takohen brenda javës së ardhshme në një shtet evropian, që aktualisht mbahet sekret.