Pema që prodhon 40 fruta të ndryshme

Në SHBA është krijuar një pemë  e aftë që të prodhojë 40 fruta të ndryshme. Qëllimi është që të arrijë një motivim të dyfishtë, ajo për të ruajtur biodiversitetin dhe për të shprehur një formë të veçantë arti.Sam Van Aken është një artist amerikan nga Pennsylvania i cili ka njohuri të shumta në botanikë dhe që njihet ndryshe si babai i “pemës me 40 fruta”.

Ai arriti të krijojë pemën e rrallë pa ndërhyrë gjenetikisht, por thjesht duke realizuar shartime të ndryshme, në mënyrë që të realizonte “multifruta”.

Pemët e para të kësaj natyre janë kultivuar në Shtetet e Bashkuara të Amerikës, por janë të destinuar edhe për pjesën tjetër të botës, ose së paku ky është misioni i projektit “Tree of 40 fruit”.