Kontratën më të madhe që ka arritur të marrë një firmë kontraktore turke e ka firmosur kompania e ndërtimit “Limak”.

Me ofertën 4,3 miliardë dollarëshe “Limak” ka fituar tenderin për ndërtimin e terminalit të ri në aeroportin ndërkombëtar të Kuvajtit.

Kontrata në fjalë ka hyrë në histori si puna më e madhe që sektori turk i ndërtimtarisë ka marrë deri më sot me një tender të vetëm jashtë shtetit.

Parashikohet që projekti, ku mesatarisht në vit do të punësohen 5 mijë vetë, të përfundojë brenda 6 viteve.

Terminali i ri i Kuvajtit do të ketë një kapacitet vjetor prej 25 milionë pasagjerësh.

Terminali do të ketë 51 porta dhe do të jetë në gjendje të mirëpresë avionë të të gjitha përmasave.