Grataçela më e lartë në botë, e parë me sytë e shqiponjës

Të shtunën, aktivistët e “Freedom Conservation”, organizatë që lufton për mbrojtjen e shqiponjave me bisht të bardhë dhe që punon së bashku me “Sos” (Save our Species) dhe “Unesco”-n, kanë lidhur një videokamera mbi shpinën shqiponjës Darshan.

Kjo e fundit, ka fluturuar dhe xhiruar njëkohësisht nga maja e ndërtesës më të lartë në botë, rrokaqielli, Burj Khalifa në Dubai.

Rezultati është një video që dhuron një perspektivë vërtet mbresëlënëse. Darshan, në të shkuarën ka fluturuat mbi Kullën Ejfel të Parisit dhe mbi St Paul’Cathedral të Londrës.