Në seancën e sotme parlamentare, mazhoranca ka rrëzuar dekretin e presidentit, që kishte kthyer për rishqyrtim ligjin për marrëveshjet ndërkombëtare.

73 deputetë votuan kundër dekretit të presidentit të Republikës, Bujar Nishani, që ktheu ligjin duke deklaruar se ai bie ndesh me Kushtetutën.

Partia Demokratike mbështeti qëndrimin e presidentit, duke thënë se ligji shkel Kushtetutën duke i hequr Parlamentit dhe duke ja dhënë Qeverisë të drejtën për të vendosur për marrëveshje financiare.

Të pranishëm në seancën parlamentare në momentin e votimit ishin 75 deputetë, dhe kreu i Kuvendit, Ilir Meta. Gjatë kësaj seance, deputetët votuan ligjin për ndërmarrjet për shërbimet sociale, i cili mori 75 vota.

Ajo që mbizotëroi edhe në këtë seancë parlamentare ishte reforma zgjedhore çështja e pajisjes italiane, që opozita thotë se përgjoi e qeveria të kundërtën. Ndërkaq, u zgjat me një muaj puna e komisionit të posaçëm për reformën zgjedhore.