Drejtuesit e partive kryesore në Maqedoni pritet që ta vazhdojnë dialogun politik, të ndërprerë pas ngecjes së realizimit të reformave të planifikuara me marrëveshjen e vitit të kaluar. Opozita maqedonase thotë se tash me anulimin e vendimit të presidentit për faljen e politikanëve dhe të datës së zgjedhjeve, ka kushte për vazhdimin e bisedimeve. Komuniteti ndërkombëtar është angazhuar për nxjerrjen nga kriza të këtij vendi ballkanik. Ndërkohë, nuk mund të parashikohet se kur do të mbahen zgjedhjet e parakohshme parlamentare.