Kastriot Dervishi

Regjimi internacionalist proletar i E.Hoxhës kundër çamëve

Kjo direktivë agjenturore e Drejtorisë së Sigurimit të Shtetit e datës 16.3.1953 vendoste ndër të tjera që çamët duhej të ishin një kontingjent në kontroll të plotë.

Nuk dilte ajo që kishin hequr çamët deri atë moment, por duhej të hiqnin akoma.

Është ndër karakteristikat e regjimeve antikombëtare goditja e popullsive të mbetura jashtë kufijve zyrtarë që në mënyrë apo një tjetër kërkojnë strehim dhe mbrojtje te shteti amë.

Për këtë arsye, qëndrimi i regjimit komunist ishte gjithnjë armiqësor ndaj shqiptarëve nga Çamëria apo nga Kosova dhe shumë miqësor ndaj çështjeve globale apo për vuajtjet e “popullit heroik vëlla vietnamez”, “popullit të pamposhtur vëlla korean”, “popullit trim vëlla kongolez”, “popullit qëndrestar vëlla të Laosit”, etj.