Autoritetet çeke dërguan sot një kontingjent prej 40 oficerësh policie për të ndihmuar Maqedoninë në patrullimin e kufirit me Greqinë për të ndaluar lëvizjen e emigrantëve drejt Evropës Perëndimore.

Njësia, që është e treta e dërguar në Maqedoni që nga mbyllja e kufijve për emigrantët e parregullt në muajin shkurt, do të armatoset për vetëmbrojtje në patrullimin me homologët vendas gjatë misionit të saj gjashtëmujor.

Ndërkohë që masat e ndërmarra kanë ndaluar vërshimin masiv të refugjatëve, disa prej tyre sërish arrijnë të gjejnë mënyra nëpërmjet Ballkanit duke paguar trafikantë për të siguruar transportin.