Fitorja e Shqipërisë kundër Rumanisë ka bërë jehonë të madhe jo vetëm në kontinentin Europian por në çdo cep të botës. Kina ka pasqyruar fitoren kaq shumë të rëndësishme të lojtarëve të drejtuar nga strategu italian De Biasi. Është uebi informativ ‘China Xinhua Sports’ i cili nuk kursen elozhet për tifozerinë mahnitëse dhe vlerën e kësaj fitoreje të parë në një turne kaq të rëndësishëm. “Me këto foto mahnitëse ju njoftojmë se Shqipëria për herë të parë ka fituar në një turne të madh të futbollit, madje ishte edhe goli i parë në një Kampionat Europian”, shkruan ‘China Xinhua’.