Belgjika i prish festën Ibrës, fiton 1-0

Belgjika fitoi edhe sfidën e fundit të Grupit E ndaj Suedisë, duke grumbulluar 6 pikë në tre ndeshje. Belgët prishën edhe festën e Ibrahimovic i cili luajti edhe ndeshjen e fundit me kombëtaren.

Për të parë golin e vetëm në këtë ndeshje u desh të pritej minuta e 86, atëherë kur pasi arriti të kalojë një mbrojtës, Eden Hazard shërben Radja Nainggolan i cili me një gjuajtje nga jashtë zone mposhti portierin suedez Isaksson.

Suedia kishte disa mundësi të mira shënimi, si në pjesën e parë, ashtu edhe në të dytën, por Ibra me shokë nuk arritën të gjejnë asnjëherë rrjetën.

Ndërkohë, edhe Belgjika që shpërdoroi disa raste shumë të mira, shënoi katër minuta nga fundi.