Pas Brexit, cili vend do të trashëgojë Agjencinë Evropiane të Medikamenteve (EMA), me qendër në Londër?

Shumë federata kombëtare të industrisë farmaceutike, si ajo e Italisë, Suedisë dhe Danimarkës po konkurojnë që tani hapur për të marrë të drejtën e selisë qendrore. “Duket se Italia i ka të gjitha letrat në rregull për t’u bërë selia e re e EMA-s”, theksoi sot Massimo Scaccabarozzi, presidenti i industrive farmaceutike italiane “Farmindustria”, në një komunikatë. “Largimi i Britanisë së Madhe nga BE-ja do të ketë pasoja në sektorin e farmaceutikës, pra është e nevojshme që të analizohet menjëherë për të marrë masat e nevojshme, duke mbajtur pacientin në qendër të procesit”, shtoi ai. E instaluar në Londër që prej krijimit të saj në vitin 1995, EMA është kryesisht e ngarkuar për të autorizuar nxjerrjen në treg të medikamenteve të reja në BE.