Në Shkodër u përkujtuan sot vrasjet në kufi në vitin 1990, kohë kur regjimi komunist kishte shfuqizuar ligjin, që e cilësonte arratisjen si tradhëti ndaj atdheut. Megjithatë, në kufirin shqiptar vazhduan vrasjet e të rinjve që kërkonin liri. Mes tyre ishin edhe të rinjtë Gjon Mark Kumbullaku dhe Dodë Fran Gjerkaj, të cilët pas vrasjes, të lidhur me tela me gjemba dhe të hedhur mbi një kamion, u shëtitën në rrugët e Shkodrës.