Rihapet biblioteka e universitetit më të vjetër në botë, themeluar nga një grua

Biblioteka e universitetit më të vjetër në botë restaurohet dhe hapet për publikun, 1157 vjet pasi u themelua nga një grua.

Megjithëse është themeluar nga një grua, universiteti nuk ka pranuar femra deri në mesin e shekullit të njëzetë.  Sot shfaq 4000 dorëshkrime të lashta, më të vjetrat që flasin për profetin Muhamed, si dhe diplomën e parë në botë të bërë prej druri.

Universiteti quhet El Kairouan, dhe ndodhet në Fez të Marokut. Ai është hapur në vitin 859, në kohën kur janë krijuar format e para të algjebrës nga arabët. Sot është më i vjetri në botë.

Gruaja që e themeloi quhej Fatime Muhamed el Fihri. Ajo ishte vajza e një familjeje të pasur tregtare që kishin emigruar në Marokun e sotëm që nga Kairouani, në Tunizinë e sotme.  Motra e saj, Mariami, themeloi një nga xhamitë më të mëdha në zonë me po të njëjtin emër.

Biblioteka është rinovuar disa herë gjatë këtyre 1157 viteve, por për publikun mundi të hapet vetëm pas restaurimit total që i bëri arkitekti maroken-kanadez, Aziz Çauni.