SHËNIM/ Dikush ti tregojë Ramës e Tahirit për grabitje në Rinas…, ndoshta ju mbushet mendja dhe kthehen në detyrë…!
Saimir Tahiri “ka humbur” prej ditësh, saktësisht që pas darkës së Edi Ramës për kthimin me (mos)fitore të kombëtares shqiptare nga Franca. Në këto rrethana atij “i falet” mosreagimi për grabitjen e radhës, sot, në vendin që duhet të ishte më i sigurti në Shqipëri.
Nga ana tjetër është lodhur. Përplasja me gjyqësorin për Haki Çakon, realisht e lodhi…, e konsumoi… Nuk ishte e lehtë ta rikthente në detyrë… Për pasojë ka nevojë për pak pushim e relaks…
Por çe do që e ktheu…! Haki Çako dhe “policia që (s’)duam” nuk arriti që ta parandalonte dot grabitjen e radhës të miliona eurove…
Përpos kësaj, ore…! A i ka thënë ndokush Saimir Tahirit për këtë grabitje… Se ndoshta ai, me gjithë lodhjen e konsumimin…, ndoshta ka ndonjë reagim…
Kush ka mundësi, le ti thotë ndonjë fjalë…!
… Sa për Edi Ramwn, çuditërisht, e pajustifikuar është mungesa e tij, mediatike sot…, veçanërisht pas kësaj grabitje në pistën e aeroportit të Rinasit.
E pra, ai që del edhe kot…, bie fjala për një marrëveshje në letër me Kosovën, për një “autostradë” energjetike që duhet ët ishte funksionale, por që nuk “i është marrë leje” ende Aleksndar Vucic…, mungon dhe “i ka ikur zëri” për grabitjen në Rinas…
… Ai që del vend e pa vend me Ilir Beqajn, edhe kur në spitale shkojnë aspirina e paracetamolë…, nuk del për të siguruar e garantuar shqiptarët, për mospërsëritjen e asaj që ndodhi në Rinas…, apo e ndonjë gjëje më të rëndë, për të cilat dje u njohëm me nevojën e (mos)marrjen e masave të policisë…
Në fakt Edi Rama doli sot në rrjetet sociale dhe falënderoi homologun Mateo Renzi…
… Gjithsesi, të marrë dikush guximin, dhe po qe se nuk i kanë thënë, sepse ai vetë, sikurse ka deklaruar nuk i ndjek mediat…, ti thonë për grabitjen në Rinas…
Ndoshta ka diçka për të thënë…, të tipit p. sh.:, “se grabitje ka pasur edhe më parë, por tani janë më vizibile”…
Seriozisht…!
Ti thotë dikush Edi Ramës e Saimir Tahirit…, fundja jo për grabitjen…, por të paktën të kthehen në detyrë…, të kthehen në punë…, se u mbyll muaji dhe duhet të firmosin borderotë…, që të mos mbeten pa rroga…!