L’Aurore (1949)/ Moska kërkon të zëvendësojë Enver Hoxhën me gjeneralin Mehmet Shehu

“L’Aurore” ka botuar, të martën e 1 nëntorit 1949, në faqen n°3, një shkrim në lidhje me arsyen e Moskës për të larguar Enver Hoxhën nga pushteti dhe zëvendësimin e tij me Mehmet Shehun, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar: 

“Ne e dimë që Moska është kryesisht e interesuar që Shqipëria – e cila mund të shërbejë si një bazë për të sulmuar Jugosllavinë e Titos – të mbetet në Kominform. Në lidhje me këtë, besohet se kryeministri shqiptar, Enver Hoxha, do të rrëzohet gradualisht dhe do të zëvendësohet përfundimisht nga gjenerali Mehmet Shehu, shefi i Shtabit të Përgjithshëm të Forcave të Armatosura”.