Më shumë se 750 ushtarë janë arrestuar pas grusht shtetit të dështuar në Turqi, ku si pasojë janë vrarë të paktën 80 persona.

Presidenti turk Erdogan paralajmëroi se anëtarët e ushtrisë prapa komplotit për të larguar atë do të paguajnë një çmim të rëndë për tradhtinë e tyre, si dhe fajësoi rivalin e tij Fethullah Gylenit për orkestrimin e kryengritjes.

Deri më tani, 29 kolonelë dhe pesë gjeneralë janë larguar nga detyra.

Kolonel Muharrem Kose thuhet se ka udhëhequr forcat ushtarake turke në kryengritje, i cili u vra gjatë përleshjeve me mbështetësit e Erdoganit.

Kjo tentativë ilegale për të marrë pushtetin u krye nga një grup brenda ushtrisë. Lajmi u zyrtarizua nga kryeministri Binali Yildirim rreth orës 22 me orën shqiptare. Kryeministri turk konfirmoi se vendi është duke u përballur me një grusht shteti. Në Ankara janë dëgjoheshin të shtëna armësh ndërsa në ajër fluturonin helikoptere. Në Stamboll u mbylle të dyja urat e Bosforit nga ushtria.

“Do të bëjmë çfarë të jetë e mundur që të fitojë demokracia. Grushti i shtetit nuk do t’ia dalë dhe përgjegjësit do të ndëshkohen” – tha Yildirim. “Përgjegjësit e grushtit të shtetit do ta paguajnë me çmimin më të lartë “- shtoi ai.

Mediat turke kanë shpërndarë edhe një fjali të Erdogan sipas të cilit përgjegjësit do ta paguajnë rëndë.

Agjencia prestigjioze e lajmeve AFP njoftoi mbreme ne mesnate shkurt se ushtria turke ka konfirmuar se ka marrë pushtetin e plotë në Turqi. Këtë lëvizje kryeministri turk e konsideroi një lëvizje të paligjshme.

“Pushteti në të gjithë vendin është marrë nën kontroll”- tha një ushtarak në NTV por pa dhënë më shumë detaje. Për momentin faqja e internetit e ushtrisë nuk punon. As televizioni shteteror, lajmeronin mediat.

Por ky kaos nuk zgjati shume

Ushtria ka kryer operacion ndaj Komandës Kryesore së 4-të të Bazës Avione ku ka shpëtuar Shefin e Shtabit të Përgjithshëm të Turqisë, Gjeneralin e Përgjithshëm Hulusi Akar. Akar është duke u dërguar në zonë të sigurt.

Njoftohet se në kuadër të hetimeve të nisura në lidhje me përpjekjen për grusht shteti të anëtarëve të organizatës terroriste seperatiste FETÖ/PDY, në tërë Turqinë janë arrestuar 754 anëtarë të Forcave të Armatosura turke.

Helikopteri ushtarak që u përdor nga puçistët e organizatës terroriste separatiste FETO/PDY dhe i cili bombardoi TURKSAT-in, u rrëzua në Golbasi.

Kryeministri Yildirim: “I falënderoj liderët e opozitës. I dolën zot demokracisë. Duke treguar qëndrim të vendosur, u pozicionuan në anën e qeverisë. Së dyti, qytetarët tanë nuk ua lëshuan rrugët puçistëve, i falënderoj shumë. Megjithatë, qytetarët tanë kurrë të mos ndahen, të nisen nga shtëpitë drejt shesheve e të mos i lëmë ato të zbrazëta.”