Rama dekonspiroi skandalin e gjyqtares Majlinda Andrea…?!

Prej kohësh, si “argument” për miratim e reformës në drejtësi, Edi Rama në takime publike, kishte një fabul gati, që e tregonte vend e pa vend.
Sipas fabulës së treguar nga kryeministri, bëhej fjalë për një gjyqtar/e që kishte kthyer te “pronari” një sasi të konsiderueshme toke, brenda parkut kombëtar e arkeologjik të Butrintit.
Intensiteti i të rrëfyerit të kësaj fabule, duket ka qenë një mesazh për gjyqtaren e Gjykatës së Lartë Majlinda Andrea. Ndërkohë që pritej që Gjykata e Lartë të merrte dje një vendim, për pezullimin e saj dhe prangosjen e bashkëshortit, ajo, familjarisht, falë dekonspirimit që i bëri kryeministri Edi Rama këtij skandali, u arratis jashtë vendit…