Menjëherë pas lajmit se kryeministri turk kishte thënë se Turqia më gjasë do t’i dënojë me vdekje 6 mijë ushtarët puçist të kapur, Bashkimi Europian ka pasur reagim të menjëhershëm.

Një zyrtar i lartë i BE’së, ka thënë se nëse Turqia vendos të paraqet dënim me vdekje për ushtarët, nuk do të jetë pjesë e vendeve të Bashkimit Europian. “Më lejoni të jem i qartë … asnjë vend nuk mund të bëhet anëtare e BE nëse vendi paraqet dënimin me vdekje”. tha shefja e politikës së jashtme të BE, Federica Mogherini.  Bisedimet e rivendosja e dënimit me vdekje janë ringjallur në Turqi, pas përpjekjes së dështuar për grusht shtet ushtarak gjatë fundjavës, ku të paktën 290 persona u vranë.