A frymëzohen negociatat nga njerëz që janë kundër marrëveshjes së Mukjes
Ka dy ditë që disa aksione të inkurajuara nga Rilindja mund ti bëjnë dëm reformës në drejtësi dhe zgjidhjes konsensuale të bishtit të fundit të saj.
Të përdorur nga Kryeministri Rama për të krijuar idenë se opozita po voton reformën për shkak të presionit dhe jo për shkak të konsensusit disa aksione të saj po dëmtojnë negociatat.
E para është protesta e inkurajuar nga Soros në të cilën janë përfshirë drejtuar organizatash dhe rrjetesh që janë pjesë e strukturave të PS. Financimi i njëanshëm dhe pa konkurencë i Sorosit për një grup organizatash në Shqipëri që janë atashuar tërësisht në qeverisje është një gjë e njohur. Drejtoria financiare e Rilindjes nuk ka pse shtiret si një entitet i pavaruar. As po ja kërkon kush këtë gjë por të paktën mos të ndotë klimën e komunikimit mes PS dhe pjesës tjetër të politikës për reformën. As prezenca e Ambasadorit amerikan atje nuk pastron sfondin mavi të portestës.
E dyta, letra më e panevojshme se kurrë e Dritëro Agollit. Ajo letër është firmosur nga kryetar partish në kolacion me Ramën (Bamir Topi), Presidentë të votuar nga mazhoranca aktuale (Alfred Moisiu), shefa shërbimesh sekrete me biografi të keqe për dëmokracinë dhe të drejtat e njeriut (Fatos Klosi), drejtues të PS në vite(Moikom Zeqo, Servet Pëllumbi, Sabit Brokaj, Limos Dizdari), sociologë dhe studies të materializmit dialektik dhe realizimit socialist, humoristë të dekoruar nga Kryeministri, ambasadorë të PS të larguar nga puna, idhtarë të Luftës nacionalçlirimtare dhe kundër marrëveshjes së Mukjes.
Nuk e di se cili prej atyre mund të frymëzojë më shumë se janë të frymëzuar negociata për konsensus. Përkundrazi kur e sheh reformën si lutje prej tyre, dyshimet mbi reformën bëhen të mëdha.
Prania e Kadaresë në atë listë mund të konsiderohet thjesht një aksident, biel edhe prania e Agollit që e ka inkurajuar atë letër.
E treta të ndalë gazetarinë e presionit që editohet në televizione kombëtare me drejtues miq të Kryeministrit. Sot Top channel transmetoi një lajm përmes të cilit përshkruante dënimet për deputetët që nuk do të votojnë reformën njësoj si të ishte Tv i Erdoganit. Përvecse nuk thoshte gjëta të konfirmuara apo të vërteta shtoi edhe një paragraf në fund të lajmit kus thoshte se PD do të ndëshkohet nga PPE deri ën përjashtim dhe anëtarësimi tjetër mund të bëhet kur të ndryshojë lidershipi i PD. Kjo pjesë e lajmit është hequr në variantin online, cfarë do të thotë se gjithë lajmi është një sajesë e zyrës së shtypit të Ramës.
Ka një ecje cilësore në negociata dhe nuk ka presion ndaj PD por ka presion të PD ndaj rezistentëve që kërkojnë standarde që anashkalojnë Venecian. PD nuk nënshkruan për presion dhe nuk nënshkruan nëse Venecia cenohet. Është parti me provë.
