Wikileaks publikon të tjera e-maile për Clinton

Rreth 20.000 e-maile dhe 8000 dokumenta të bashkangjitura lidhur me Komitetin Kombëtar Demoktratik në SHBA, janë publikuar në WikiLeaks. Kjo është vetëm një pjesë e asaj që ka nisur të quhet si seria e “Hillary Leaks”, ka thënë organizata në një njoftim për shtyp.

E-mailet i takojnë periudhës nga Janari i viti 2015 deri në Maj 2016. Të dhënat vijnë nga adresat e 7 figurave shumë të spikatura të këtij Komiteti, si Këshilltari i Lartë  Andrew Wright, Drejtori Financiar Kombëtar Jordon Kaplan, Shefi i Financës për stafin Scott Comer, Drejtori i Komunikimit Luis Miranda,Drejtori Financiar për Kaliforninë e Veriut Robert Stowe, Drejtori Finaciar për Iniciativat Strategjike Daniel Parrish dhe Drejtori Finaciar Allen Zachary.