Privatësia e të gjithë njerëzve në botë, është në rrezik si kurrë më parë, kurse rreziku nuk vjen vetëm nga platformat e rrjeteve sociale.

Programi i mbikëqyrjes në masë: Qytetari i zakonshëm, i mbikëqyrur në mënyrë të veçantë; Mbrojtja kundër terrorizmit; Të spiunuar nga qielli; Teknologjitë me rreze laser; Kërkime në kufijtë e fantashkencës; Mikroçipi spiun i futur në trupin e njeriut; Shumë pyetje, një përgjigje Internet, telekamera me qark të mbyllur, dronë, satelite…

A ka në fakt një “Vëlla të Madh”, që e përdor këtë teknologji për të ditur çdo gjë rreth nesh? Si të mbrohemi?

Privatësia e të gjithë njerëzve në botë, është në rrezik si kurrë më parë. Rreziku nuk vjen, siç mund të pritej, vetëm nga platformat e rrjeteve sociale, në të cilat miliona e miliona përdorues çdo ditë, në mirëbesim dhe pa bërë vlerësimet e duhura, publikojnë të dhënat personale, pak e shumë të ndjeshme.

Kohët e fundit, bëri bujë lajmi i raportuar nga gazeta britanike “The Guardian”, sipas të cilit një portal në internetin rus, Insecam, është në gjendje të gjurmojë dhe vënë në dispozicion të dikujt, videot e transmetuara nga kamerat e private wireless të shpërndara në të gjithë botën.

Madje edhe imazhet e webcam-it që përdoret për të monitoruar dhomat e gjumit të fëmijëve ndërsa flenë, nuk janë më të sigurta. Dhe kjo është një sirenë alarmi.

Programi i mbikëqyrjes në masë. Nëse ky rast ka ngjallur jo pak shqetësime, duke mbërritur deri tek interesi i vetë Agjencisë për Mbrojtjen e të dhënave në Mbretërinë e Bashkuar.