Washingtoni sqaron mesazhin “kërcënues” të Ambasadorit amerikan Donald Lu

Mesazhi i ambasadorit të SHBA-së Donald Lu pak ditë nga votimi i reformës në drejtësi, se do të kishte pasoja negative secili deputet në marrëdhëniet e tyre me Shtetet e Bashkuara nëse do të votonin kundër, ka qenë një mesazh i qartë dhe i prerë nga Washingtoni
“Donim të ishim të qartë që të mos kishte asnjë keqkuptim më pas”, thuhet në një reagim për Ora News nga Zëvendësndihmës Sekretari amerikan i shtetit Hoyt Yee.
“Ambasada i diskutoi këto pasoja me partitë politike sipas udhëzimeve specifike nga Washingtoni”, thuhet më tej.
Në reagim përgëzohet parlamentin që e miratoi këtë reformë jetike dhe përgëzoi popullin e Shqipërisë që kërkoi ndryshim.