Kryetari i Partisë Demokratike Lulzim Basha tha sot në një intervistë për Zërin e Amerikës se selia blu është njohur me draftin për 7 ligjet e Vetingut vetëm mbrëmjen e djeshme.

Menjëherë pas kësaj deklarate, përmes një reagimi të përbashkët, Delegacioni i BE-së dhe Ambasada e SHBA-së bënë me dije se deputetët janë njohur me draftin që në gjysmën e dytë të muajit qershor.

Por e vërteta është se drafti iu është shpërndarë anëtarëve të Komisionit të Ligjit mbrëmjen e djeshme, rreth orës 22:00.

Kryetari i Komisionit posaçëm të Reformës në Drejtësi iu bën me dije deputetëve se EURALIUS iu ka dërguar projektligjin per Vetingun se bashku me 4 shtojcat dhe relacionin ku jane reflektuar edhe ndryshimet e reja kushtetuese.

“Sapo Euralius dergoj projektligjin per Vetingun se bashku me 4 shtojcat dhe relacionin ku jane reflektuar edhe ndryshimet e reja kushtetuese.

Te lutem shperndaji keto dokumenta per anetaret e Komisionit te Posacem Parlamentar per Reformen ne Drejtesi.

Ende nuk munde te caktojme nje kohe te sakte per thirrjen e mbledhjes se komisionit.

Fatmir” thuhet në e-mailin e Xhafës./citynews