Kush ishte Ahmet Kurt Pasha?

Ahmet Kurt Pasha ishte sunduesi më jetëgjatë i pashallëkut të Beratit (1763- 1787) dhe më i famshmi, që u bë ndër sunduesit më të fuqishëm të Portës së Lartë në Jugun e Shqipërisë. Kurt Pasha si feudal energjik dhe dinak, i dha jetë tregtisë dhe zhvillimit të qytetit dhe rrethinave, pa i dalë asnjëherë ndesh sulltanit. Ishin trupat e tij ato që arrestuan kaçakun e ri Ali Tepelena, të cilit Kurti i fali jetën dhe e mori në shërbim të tij. Më vdekjen e tij në 1787, Berati ra në dorë të Ibrahim Pashë Vlorës.