Union Bank prej vitesh ofron për klientët e saj një larmi zgjedhjesh në lidhje me kartat e kreditit. Gjatë këtyre viteve banka ka bashkëpunuar në këtë sektor me MasterCard dhe së fundmi edhe me kompaninë Paylink, e cila prej dy vitesh operon në tregun lokal shqiptar. Klientët e Union Bank mund të zgjedhin monedhën e preferuar me të cilën dëshirojnë ta kenë kartën, të zgjedhin mënyrën e pagesës që u përshtatet më tepër nevojave të tyre apo afatet më të volitshme për ta. Listës së këtyre alternativave i shtohet dhe karta e kreditit Master Card “Jam Kuq e Zi”. Kjo kartë lëshohet në bashkëpunim me Federatën Shqiptare të Futbollit, si një produkt unik për nga karakteristikat, duke ofruar jo vetëm përfitime financiare për klientët. Karta “Jam Kuq e Zi” vjen në një moment të rëndësishëm për shqiptarët, të cilët në prag të Kampionatit Europian të Futbollit po hedhin gjithmonë e më shumë vështrimin te Kombëtarja si një nga vlerat e kombit shqiptar në botë. Union Bank, si sponsor historik i Kombëtares së Futbollit ndërthuri në këtë produkt anën funksionale (të një karte krediti) dhe atë emocionale (lidhja me sportin).

Nga ana financiare, karta ofron kushtet më të mira për klientët:

• Përdorim pa asnjë komision brenda, jashtë vendit, si dhe për pagesat online;
• Interesat më të mira në tregun bankar shqiptar;
• Limit të plotë tërheqje cash në ATM;
• Mundësi pagese me këste apo në një shumë të vetme;
• Mundësi aplikimi online;
• Prodhim ekspres brenda 48 orëve

Për më shumë vizitoni: http://www.unionbank.al/karte-krediti2?layout=edit&id=324

Si rezultat i bashkëpunimit me Federatën e Futbollit, çdo kartëmbajtës “Jam Kuq e Zi” përfiton:

• Anëtarësim automatik në klubin “Tifozët e Kombëtares” të FSHF-së;
• Bileta të garantuara për ndeshjet zyrtare EURO/FIFA;
• Zbritje 10% deri në 25% për blerjen e biletave në ndeshjet miqësore të Kombëtares shqiptare.
• Si dhe nga një mori ofertash fi nanciare të dedikuara të FSHF-së.

Për më shumë vizitoni http://fanzone.fshf.org/klubi-tifozet-e-kombetares/

Shembull: Ju mund të shpenzoni 100 Eur dhe shumën e përdorur mund ta paguani pa asnjë interes deri në 18 ditë nga marrja e faturës. Në pamundësi të shlyerjes së shumës së plotë të detyrimit, mund të paguhet me këste deri në 10% të vlerës pra 10 Eur, ndërsa mbi shumën e papaguar aplikohet interes nga dita e përdorimit.